“Цахим Монгол” Үндэсний хөтөлбөр, “Монгол Улсын алсын хараа-2050”  Монгол улсын урт хугацааны хөгжлийн бодлого, “Цахим засаг” арга хэмжээ,  “Цахим гааль” ажлын хүрээнд гадаад худалдааг хөнгөвчлөх, гаалийн хяналт бүрдүүлэлтэнд зарцуулагдах цаг хугацааг багасгах зорилтын хүрээнд УБГГ-ын даргын 2024 оны А/15 дугаар тушаалаар байгууллагдсан ажлын хэсэг батлагдсан төлөвлөгөөний дагуу Япон улсаас импортлогдож байгаа БТКУС-ын 8703 дугаар зүйлд хамаарах автомашины гаалийн мэдүүлгийг гаалийн байгууллагаас хэвлэхгүй болгох ГУАБ, ГУБ-ын ажлын ачааллыг бууруулах зорилгоор  тус ажлыг хийж гүйцэтгэсэн.

Импортын бараа эргэлт, гаалийн байгууллагын ачаалал нэмэгдэж байгаатай уялдуулан Япон улсаас импортлогдож байгаа БТКУС-ын 8703 зүйлд хамаарах суудлын зориулалтай автомашины гаалийн мэдүүлгийг хүлээн авагчид цаасаар хэвлэх ажлыг цахимжуулах гарцыг эрэлхийлсэн судалгааг ГЕГ-ын Мэргэжлийн Зөвлөлийн Хуралд танилцуулж уг судалгаа дэмжигдэж 2025 оны 01-р сарын 01-ээс хэрэгжүүлэхээр болсон.

Уг автомашины гаалийн мэдүүлэг хэвлэхгүй болсоноор:

1. “Цахим гааль” болох зорилтыг хэрэгжүүлэхэд бодит дэмжлэг болно.
2. Гаалийн мэдүүлгийг хэвлэх шаардлагатай тохиолдолд бараа, тээврийн хэрэгслийг бараа эзэмшигч E-Mongolia, ХУР-ДАН системээс өөрөө хэвлэх эсхүл гаалийн зуучлагч байгууллагаас хэвлүүлж авах боломжтой.
3. Гаалийн бүрдүүлэлт хийсэн автомашины цаасан архивыг барааг мэдүүлэгч аж ахуйн нэгж болон гаалийн зуучлагч байгуулагад шилжүүлэх бүрэн боломжтой. Ингэснээр гаалийн байгууллагад цахим архивыг бий болгож архивын ачаалал /цаас/ багасна.
4. Гаалийн мэдүүлгийг хэвлэхгүй болгосноор судалгаанд дурдагдсан тодорхой төсвийн зардлыг хэмнэх боломжтой болно.